מילים לשיר בן אדמה – אנסמבל שם טוב לוי

בֶּן אֲדָמָה יִזְכֹּר בְּמוֹלַדְתּוֹ כִּי לְעֵת קֵץ יָשׁוּב לְיוֹלַדְתּוֹ "קוּם וְהַצְלַח!" אִמְרוּ לְבֶן חָמֵשׁ מעלותיו עולים עלות שמש בֵּין שְׁדֵי אֵם יִשְׁכַּב וְאַל יָמֵשׁ צוארי אב יקח למרכבתו מַה תְּאִיצוּן מוּסָר לְבֶן עֶשֶׂר? עוֹד מְעַט קָט יִגְדַּל וְיִוָּסֵר דברו לו חן חן ויתבשר שעשועיו יולדיו ומשפחתו מַה נְּעִימִים יָמִים לְבֶן עֶשְׂרִים קַל כְּעֹפֶר דּוֹלֵג עֲלֵי הָרִים בָּז לְמוּסָר, לוֹעֵג לְקוֹל מוֹרִים יעלת חן חבלו ומלכודתו בֶּן שְׁלשִׁים נָפַל בְּיַד אֵשֶׁת קָם וְהִבִּיט – הִנּוֹ בְתוֹךְ רֶשֶׁת! ילחצוהו סביב בני קשת משאלות לב בניו ולב אשתו נָע וְנִכְנָע מַשִּׂיג לְאַרְבָּעִים שָׂשׂ בְּחֶלְקוֹ – אִם רַע וְאִם נָעִים רָץ לְדַרְכּוֹ וַיַּעֲזֹב רֵעִים על עמלו יעמוד במשמרתו בֶּן חֲמִשִּׁים יִזְכֹּר יְמֵי הֶבֶל יאבל כי קרבו ימי אבל בָּז בְּעֵינָיו אֶת כָּל יְקָר תֵּבֵל כי יפחד פן קרבה עיתו שַׁאֲלוּ: מֶה הָיָה לְבֶן שִׁשִּׁים? אֵין במעשיו בַּדִּים וְשָׁרָשִׁים כִּי שְׂרִידָיו דַּלִּים וְנֶחְלָשִׁים לא יקומון אתו במלחמתו אִם שְׁנוֹתָיו נָגְעוּ אֱלֵי שִׁבְעִים אֵין דְּבָריו נִרְאִים וְנִשְׁמָעִים רַק לְמַשָּׂא יִהְיֶה עֲלֵי רֵעִים מעמס על נפשו ומשענתו בֶּן שְׁמֹנִים טֹרַח עֲלֵי בָנָיו אֵין לְבָבוֹ אתוֹ וְלֹא עֵינָיו בוּז ליודעיו וְלַעַג לִשְׁכֵנָיו רוש בכוסו גם לענה פתו אַחֲרֵי זֶה כַּמֵּת יְהִי נֶחְשָׁב אשרי איש אשר נחשב לגר תושב אֵין בְּלִבּוֹ רַעְיוֹן וְלֹא מַחְשָׁב רק לאחרית נפשו ומשכרתו.